THUHMAHRUAI:

Rural Information Kiosk – Village Level Entrepreneurs (RIK-VLE) hi thingtlang mi ten Sorkar dawr tura khawpui hla tak tak kal kher ngai lova mahni khua atanga Service hrang hrang entirnan – Tribal Certificate, Residential Certificate, Birth Certificate, Income Certificate, Tax Exemption Certificate, Utilities Bills, Revenue Tax, Air Ticketing, Train Ticketing, Insurance, DTH Recharge, Mobile Recharge, Photo printing, Passport size photos, Internet, e-Mail, Scanning and Printing, etc. te an lak theihna tura ruahmanna siam a ni a. He Rural Information Kiosk dinna tur hian sorkar-in an mamawh tur bungrua hrang hrang a tum sak ang a, a hnu zela a part thlak ngai leh enkawl chhun zawm chu “Village Level Entrepreneurs” thlan chhuah ten an mahni pawisa a tih tur a ni ang. He project hi PPP (Public Private Partnership) model hmanga din tur a nih avangin Sorkar-in tih tur a nei ang bawkin private (VLE) pawhin tih tur a nei ve bawk a ni. He project hi khawtlang tana tangkai taka vawng nung (sustainable) zel tur chuan hlawkna siam thei tura beisei anih avangin VLE-ten theih tawp chhuah tura beisei an ni.

Mizoram mipuite hian sorkar kan dawrna kawngah sum leh pai, hun leh tha kan hmang nasa em em a. Kum tina sorkar kan dawrna a kan sum hman ral zawng zawng hi vaibelchhe tam tak a ni. Hetianga mipuiten sum tam tak an khawhral lohnan sorkar chuan thingtlang khua tinah Rural Information Kiosk (RIK) leh Common Service Centre (CSC) hi dah a lo ti tlu ta a. Hemi enkawl tur hian zu leh ruihtheih thil a fihlim, mi rinawm leh mi taima, khawtin atanga thlanchhuah tur an ni a, chungte chu mahni kut leh ke a ding chhuak thei tur mi an ni tur a ni.

Mizoram sorkar chuan hmun 136-ah Common Service Centre (CSC) hi a din tawh a, tunah hian Rural Information Kisok (RIK) khua 300-ah din leh turin hma a la mek a ni.

IMPLEMENTATION MODEL

He project hi Public Private Partnership (PPP) model-a kalpui tur a ni a, Sorkar-in IT hmanrua chi hrang hrang Private hnenah a thlawnin a pechhuak anga, Private-in a enkawl hna thawkin a chhiat leh that-ah mawh a phur thung ang. Sorkar aiawhin M/s Zoram Electronics Development Corporation Limited (ZENICS)-in hna a thawk ang a; Private aiawhin Village Level Entrepreneur (VLE) thlanchhuah ten hna an thawk thung ang. Heng VLE-te hian khawl chhiat thu hla-ah an mahni sum senga enkawl tur a ni ang a, sorkar-in Internet bandwidth a free-in kum khat chhung a pe ang a, a hnu zela Internet bandwidth senso chu VLE-ten anmahni sumin an pe ve thung ang.

SORKAR MAWHPHURHNA LEH TIHTURTE:

  • Sorkar-in rang tak taka mipui hnena service a pek theihna tura hmalak leh mipuite pawhin sorkar awlsam taka an dawr zung zung theihna tur atan a hmalak a ni.
  • Sorkar Department hrang hrangin an mahni department atang theuha mipui mamawh service hrang hrang Internet/Mobile technology kaltlanga an pek chhuah zung zung theihna turin Computerization lama chak taka hmalak a ni.
  • Mipui-in chhiah leh bill hrang hrangte awlsam taka mahni in lum atang leh RIK/CSC atanga an pek zung zung theihna tura Department hrang hrang tana Payment Gateway siam sak.
  • Department hrang hrangin mipuite hnena hriattirna pawimawh tak tak an hriattir zung zung theihna tura SMS Gateway siam sak leh Department’s website siam sak.
  • Zoram kut hnathawktuten an thil siam leh thlaithar-te awlsam zawka hmun hrang hranga an zawrh chhuah theihna tura “Block Portal” siam sak.
  • Mipuiten Department’s website hrang hrang kal kher ngai lova, hmun pakhat atanga an duh ang zawng zawng an hmuh theihna turin Mizoram Portal “Mizoram Online” siam a ni.
  • State dang leh khawvel hmun dang atang pawha Mizo hnahthlakten Mizoram Sorkar chhunga service hrang hrangte an lak theihna turin ‘State Service Delivery Gateway (SSDG) siam a ni.
  • Sorkar hmalakna, a bikin mipui khawih thil, reng rengah sorkar-in thutlukna a siam hma a, mipuiten an ngaihdan an thlen theihna tur leh inrawntlanna a awm theihna turin ‘Citizen Engagement Framework” siam a ni.
  • Zoram hmun kilkhawr zawk a mite pawhin Internet Broadband kaltlanga sorkar an dawr ve theihna tura leh khawvel hmun hrang hranga mithiamte an rawn theihna turin khawtina “Optical Fibre Cable (OFC)” thlun vek bakah a theih ang anga VSAT leh Mobile Tower dah.
  • Thingtlang miten harsa taka sorkar dawr tura khawpui an pan kher ngai tawh lova, an mahni khua (village) atanga sorkar an dawr theihna turin, IT hmanrua changkang tak pek an ni ang. Chung hmanrua-te chu:
    • VSAT equipment,
    • Free Internet bandwidth for 1 year
    • Personal Computer System
    • UPS 1KVA
    • Multi-Function Laser Printer, Scanner and Copier
    • Photo Printer (6X4).
    • Digital Camera
    • Antivirus.
  • Heng a chunga IT hmanrua changkang tak takte hi Village Level Entreneur (VLE) hnenah a thlawna pek tur a ni. Heng VLE turte hi khaw zathum (300) atanga pakhat theuh thlanchhuah tur a ni.
  • Heng IT hmanrua hrang hrang VLE hnena sorkar-in a pek chhuah-te hi warranty period a zawh hnuah, a chhiat-a-thatah mawh a phur lovang.
  • Internet Bandwidth hi central sorkar-in kum khat chhung chauh a free theih dawn avangin, kum khat hnu lama Internet bandwidth man hi RIK-VLE te theuhin an mahni suma pek tur a ni ang. RIK-VLE te thawh that duh loh avanga mipuiin sorkar dawrna tura service an hmuh theih lovah sorkar-in mawh a phur lovang.
  • RIK-VLE thlanchhuahte hnenah Computer Repairing leh Software hrang hrang hman dante zirtir an ni ang a. DOEACC “CCC” level examination an hmachhawn tur a ni. Tin, heng bakah hian a duh leh tui mite tan Electronics repair & maintenance leh mobile repairing-te a thlawnin training pek an ni bawk ang. Amaherawhchu, heng training nei tura hmun hrang hrang atanga lokalna TA/DA hi sorkar-in a tum sak lovang.
  • Thingtlang hmun tam takah Bank awm loh avangin mipuiin harsatna an tawk fo tih hriat anih avangin heng sukiang tur hian Bank Correspondent (BC) anga RIK-VLE te an awm theihna turin sorkar-in ruahmanna fel tak a siam a ni.
  • Sorkar-in RIK enkawl tura a thlanchhuah VLE-te tan mobile phone operator hrang hrang atangin “Top-up agent” ni turin ruhmanna a siam ang.
    • RIK hmun hi fai tak leh thianghlim taka vawn tur ani a, mipuite pan chakawm taka siam tur a ni. Tin, VLE-te pawh smart tak leh polite taka awm tur a ni a, mite rintlak taka nun tur a ni bawk.
    • RIK enkawl tura thlanchhuah VLE-te hian sorkar nen mumal taka agreement sign tur a ni a, an sign hnu atanga thla thum chhungin service pechhuak thei turin an in peih vek tur a ni. Engemaw rokhawlhna entirnan thihna avangte a RIK an enkawl chhunzawm thei lo anih chuan an hmanrua zawng zawngte sorkar-ah an pe kir leh vek tur a ni ang.
    • RIK hmun zawng zawngah common Banner tar vek tur a ni a, chung an tar turte chu sorkar (Zenics Office) ah lam theih a ni ang.
    • RIK enkawl tura VLE thlanchhuahte chuan heng a hnuaia mite hi an nei ngei tur a ni:
      • Sorkar-in mahni intundinna tur atan a, IT hmanrua hrang hrang, VLE-te hnena a pekte hi a chhe palh anih chuan VLE-ten an mahni sum sengin an siam ang. Tin, consumable items entirnan cartridge, photo papers, etc te hi an mahni sum sengin an lei tur a ni.
      • Internet Bandwidth hi kum khat chhung chauh a free-a hman theih anih avangin, kum khat hnu lamah chuan VLE-ten an mahni sum sengin Internet Bandwidth hman man hi Hughes Company-ah an pe tur a ni. Internet Bill an pek loh avanga mipui hnena service an pechhuak thei lo anih chuan VLE-ten mawh an phur ang. Heng mite chungah hian khawtlang hruaitute leh sorkar-ten hremna an lek kawh ang.
      • RIK enkawl tura thlan chhuah VLE-te hian monthly progress report sorkar-ah an thehlut thin tur a ni.
      • VLE-te hamthatna tura sorkar-in training/workshop a buatsaihna reng rengah TA/DA pek annih dawn loh avangin, an mahni sum sen huama heng training/workshop-te hi tel thei tura beisei an ni.
      • RIK hlawhtlin leh hlawhtlin lovah VLE-ten mawh an phur tur a ni. A hming chhiat leh hmingthatah pawh mawh an phur bawk ang. Chuvangin hlawhtling tak leh hmingtha taka RIK Centre-te an awm theihna turin VLE-ten theih tawp an chhuah theuh tur a ni.

      VILLAGE LEVEL ENTREPRENEUR (VLE) -TE MAWHPHURHNA LEH TIH TURTE:


      PROJECT MANAGEMENT:

      He project hi hlawhtling taka a kal theihna turin Project Steering Committee din a ni a, member-te chu hengte hi an ni:

      • Principal Secretary, ICT - Chairman
      • Secretary, Planning Department - Member
      • Secretary , Finance Department - Member
      • Secretary, RD Department - Member
      • Secretary, Health Services Department - Member
      • Secretary, Education Department - Memebr
      • Managing Director, ZENICS - Member
      • State Infoatics Officer, NIC (Mizoram) - Member
      • Principal Informatics Officer, Deptt of ICT - Member
      • Chief Executive Officer, MSeGS - Member
      • Deputy Secretary, ICt Department - Member Secretary

      He Committee hi sorkar aiawh a din an nih angin he project chhiat-leh-thatah mawh an phur ang. Harsatna eng emaw sorkar leh mipui in kara awm thei ang chi reng rengah a sutkian dan tur an ngaihtuah thin bawk ang.